Prezantim i shkurtër për përmbajtjen e secilit libër

Të dashur fëmijë!
Mirë se erdhët në botën e bukur dhe tepër interesante të Kurrikulës Biblike për fëmijë dhe
të rinj!
Secili libër përbëhet nga 18 mësime të ndara në 5 kapituj.
Çdo mësim është i përbërë nga disa rubrika, të cilat janë:
1. Vargu Përmendsh – ky ndodhet pas titullit të çdo mësimi dhe është një varg i marrë nga
Bibla dhe në lidhje me historinë që ju do të mësoni në atë mësim.
2. Zbuloni – kjo rubrikë bën hapjen e mësimit dhe aktivitet që përfshihen në të janë të
shumëllojshme. Ato ndryshojnë në çdo mësim dhe do t’ju ndihmojnë të mendoni për
përjetimet tuaja.
3. Tregimi nga Shkrimi i Shenjtë (Bibla) – në këtë rubrikë ju do të mësoni tregime të
marra nga Bibla, të cilat do të jenë të ilustruara edhe me figura.
4. Mendime rreth tregimit – këtu keni mundësi të jepni mendimet tuaja për pyetjet që do
të ngrihen rreth tregimit nga Shkrimi i Shenjtë.
5. Jeta në Kishë – lidh tregimin e sapo mësuar me traditën e Kishës sonë, si dhe me shumë
gjëra praktike që ne ftohemi të mësojmë.
6. Fjalë besimi – përfshin fjalë të cilat përdoren në tregim ose në rubrikën Jeta në Kishë
dhe ju shërben për të krijuar fjalorin e besimit.
7. Këndi familjar – ju do të gjeni sugjerime për aktivitete të ndryshme në lidhje me temën
e mësimit, të cilat mund t’i zhvilloni në shtëpi me anëtarët e familjes suaj.
Urojmë dhe lutemi që me anë të këtyre librave të njihni më tepër Zotin tonë Jisu
Krisht e të rriteni edhe ju në Kishën e Tij!